無經過加工執相ga~~

原本：
No.7　No.2

最後買佐：

男裝No.7 女裝No.2

我地睇佐好幾個月既介指，今日終於o係expo買佐啦，原本都想買田崎，但今日第一次去到會展睇有少少失望，因為Pt1000真係好易花，display o個隻已經花花地，同埋我地一去到見到田崎既booth好似好updup咁 (又黑又暗又無櫈俾人坐低慢慢睇…) 而且我地搵唔到一對大家都鐘意，而且價錢好貴(7折佐都近10k)，我地大家都唔知點好，買唔落手。

跟住我拉佐kit去PN睇，之前原本覺得PN唔好o架，但可能之前去過好多間shop睇過，Kit想要粗身既介指，但我又想要幼身喎，我地去到PN坐低，見到佢好多田崎都有既款，不過PN o的款多好多（我地都睇佐有差唔多十盤既介指，真係好多款式，但田崎得1-2盤到數量既介指款）同埋size又齊，我地睇完，覺得No.7個款係最啱心水，但係我地唔可以咁快決定買住，我地行佐個圈，決定再行去PN睇多一次，原本諗住兩隻都要No.7既男裝款（我唔想要有石既款）但係睇睇下隻介指好似好粗，sales話造細隻介指都唔會幼身o的，因為本身佢個模係粗身，但No.7個女裝款戴上手唔多順眼．．．揀佐好耐，其他女裝款大部份都一定有石，但我又想搵隻同No.7男裝款類似，原本睇佐一隻類似Eternity Ring既介指，但係好似同No.7男裝完全唔同喎～～Sales搵佐好多女仔介指款俾我地睇，佢好helpful所以我地都好好心機咁比較，卒之我佐揀佐No.2既女裝，雖然唔係完全一樣但都算係類似丫，咁可以fit晒我地兩個人都想要既野啦～

因為我隻介指有石頭，原本一對No.7男裝款無石就$3,780，而家No.7同No.2咁買就$4,410，只係相差$630，碎鑽石真係完全唔多值錢．．．

7月15日有得攞介指啦!開心～又搞掂一樣～

今日又順便去睇埋佈置，但我覺得o的佈置好鬼貴，淨係整個backdrop同埋reception都要成$3,000！

反而印帖o的價錢就合理o的！靚既都係4-5蚊到一張。

日本人唔知點解鐘意叫做真珠唔係珍珠...

今日我買佐條好靚既珍珠鍊用來結婚時戴ga~二百蚊都唔駛
傑一手就拎佐呢條俾我, 比其他"令"身好多, 搵佐好多條都無呢條咁靚
傑話合眼緣就算, 唔需要搵咁多條來比較
你地覺得靚唔靚呀, 我覺得好抵買呀^^因為出面見到唔靚既都要五百蚊, 靚少少既要成千蚊, 金鋪見到o個o的就唔好講啦, 可以幾千幾成萬蚊條, o個o的玩唔起啦, 平時又唔多戴唔會買咁貴啦...我又執到寶~

其實早上幾個禮拜試衫o個陣已經攞佐對婚紗鞋啦

對鞋係訂造, 可以自己鐘意訂1吋/2吋/2.5吋/3吋/4吋高都得, 我就訂佐2吋高, 因為已經係我極限啦, 再高o的我對腳頂唔住ar~上次見工著佐對2.5吋半日咋, 對腳已經痛佐好耐 = ="

呢對我係金都地庫甜蜜蜜買, 呢對因為無乜detail, 只係$198, 我覺得好唔錯啦, 因為只係著一次, 呢o的鞋平時著唔返ga, 唔想買得太貴呢。

真皮草的確高貴美麗。與人造的確是無得比。
但自我看過一些製作皮草的過程後, 心驚膽顫...那血惺場面實在可以令你從此見到皮草都會反胃~

有膽的才好click以下的link, 我都不敢看完整篇文章:
(警告:以下連結之內容可能引起情緒極度不安)
慘絕人寰的時尚 每件皮草都殘酷

"血鑽" (非法出口鑽石以資助戰爭, 又稱conflict diamond) 雖是不道德, 但始終那是因為人類的鬥爭, 罷買鑽石都未必能改變甚麼, 因為不賣鑽石, 還有黃金, 石油等等其他方法去換錢來資助戰爭。(這世界是這樣不公平了, 珍惜我們擁有的和平安穩生活。)

但皮草, 每一件皮草都是殘忍地將那小動物活生生脫去牠美麗的披毛, 這可憐的小動物被脫去披毛後仍是活生生的(據說牠們會活生生慢慢地痛死, 心臟會一小時後才會停止)~你可以想像那殘忍與恐怖程度吧~(你沒見過前陣子海關搜到的走私皮草都是原隻小動物的皮毛嗎.... )

兔仔毛會不會都是這樣得來的?
真的好殘忍...

今日去佐搵ＪａｃｋｏＬｅｅ試妝~

Tel:  9717 3335
百利商場2樓91號鋪

尋日去佐金都睇婚禮攝錄既資料~睇佐原本pencil mark 佐期既amazing grace, 不過唔知點解佢o的相版, 全部都勁黃勁紅, 佢係菲林出, 我都唔明點解咁~男朋友又以為我玩野玩挑剔, 唔多like, 即時質我話人地用菲林出, 又唔係用數碼影, 關咩事, 係環境問題。我就唔係人地面前同佢鬧交, 人地見我地開始意見不合已經唔出聲, 其實我好尷尬~

我唔講咁多, 我要證明俾佢睇唔係我自己係度吹水, 同佢去佐幾間鋪睇, 人地間間都無黃無紅, 明明白色既牆, 點會映到面黃黃咁ga, 化佐妝都影到咁就唔多得la~仲要我網上睇同睇相簿都咁黃~

最後睇佐Picasso, Declaration, 同埋D&S Production, Picasso就好想我地快o的落order, 我男友唔鐘意佢o的銷售技巧, 仲要貴好多, 同埋佢至憎人吹到自己幾叻幾叻, 呢間多數都唔會book...
Declaration即係幸福宣言, 我地其實係無意中咁入去隨手咁睇下佢地o的相, 跟住無耐有人approach我地, 我地就坐係度慢慢傾, 睇下佢地o的相咁。因為我地只係擺十圍, 唔需要2攝1錄咁多, 但我地又鐘意snap shot 多o的, 佢都俾佐幾個可行既選擇我地, 我地可以用1攝1錄, 攝影師會映standard相, 如果有時間, 就幫我地影o的snap shot同埋婚紗post相。
同阿yan又好傾, 佢又好好耐性咁慢慢俾o的相呀電腦file俾我地睇, 我地睇佐幾個, 覺得eddie so 幾好, 又可以映埋snap shot, 我地都想o係呢度book, 不過為免一時衝動做錯事, 我地返屋企睇下人地o的comment先決定。

去佐甜蜜蜜訂婚紗鞋時, 個老闆娘又好好傾, 阿kit問佢呢度邊個攝影好, 許太(哈~!又係許呀)話佢對面鋪同埋amazing grace幾好, 佢又好熱情咁走佐對面D&S Production度打招呼叫o個個老細介紹o的plan俾我地, 我地又即管去八下人地o的相同plan。個老細玩野, 一來俾本snap shot 我地睇, 講多幾句, 佢又俾多本相簿我地睇, 跟住我地問佢兩本相簿係咪同一個師父, 佢話呢本snap shot 的 plan 好特別, 有兩個snap shot師父, 而且個plan好貴, 過萬(即係意思我地唔會用呢個plan), 佢講既時候係拎起本相簿好似想收番, 好緊張咁~ = =" 佢真係玩野, 如果咁巴閉, 覺得我地俾唔起錢的話, 咁佢又拎呢本俾我地睇~~~~擺明係show quali.
原來婚禮搞得簡單, 會俾人歧視, 雖然我地唔係擺 four season o者, 唔駛咁講掛~~~真係搞笑~ 真係未遇過會有人咁同o的客講野~

今日去完海浪公園就返佐旺角, 順便去declaration度落佐訂book佐eddie so
http://www.declaration.com.hk/main.htm

eddie so的作品係snap shot 入面第一個"venus & kevin"

又搞掂一樣~

實在係~~~~太大difference 啦, PN已經算係平(Pt 7千一對), 比起 Tasaki (Pt 9千一對) , PN平佐2千, 點知原來ctf2仲要比佢地平一半, 仲有免費刻字, 一年保養翻新!

好在上次expo無買到, 唔係就浪費佐o的錢啦~

而家3千幾, 都可以買到Pt啦 ~哈~~~~

上次3月18 o個個wedd. expo. 我地搵唔到 TASAKI 個booth, 去佐PN, 見到我地鐘意既簡單婚介款, 其實我地本來都唔知買唔買Platinum(Pt) 好, 不過, PN o的 Pt我信唔過, 始終佢唔係專賣呢o的貴金屬既大金鋪, 佢只係專賣design, 所以我決定都係買番18K, 反正戴佐幾年可能唔會再成日戴 (我見太多人都係咁了, 通常戴o個o的都係新婚) 所以實際o的~

我搵唔到PN個 home page, 不過搵到TASAKI o的相有類似我地隻介指款~

類似左手邊呢隻款啦~田崎(TASAKI)賣既係Pt1000, 價錢而家要大概 8~9K (expo 7折後)
但係我又唔想咁貴買對婚介喎~PN有我想要o個個款, 所以買PN 啦...
如果大家買Pt, 最好揀Pt1000, 因為一定唔會變色~
但香港只有3個地方有得賣:
1.  4C Bridal
2.  TASAKI (田崎珍珠)
3.  Chow Sang Sang (IL Regalo)
再唔係就網上訂~因為Pt1000既鍊製技術日本先有得做, 香港無~

今日同kit去佐婚紗展, 個法國婚紗show, 等佐好耐先開始, 開頭話3點, 跟住話3點半, 後尾4點先開始, 我地最後迫入去佢地個booth度霸位影相

今次多得kit幫我影呢o的相咋, 我地第一次影婚紗show, 估唔到原來o的 model 轉身轉得咁快, 影都影唔切^^唔該晒kitkit啦 

 呢款係新衫來, 個款都好特別, 其實我覺得都幾靚, 不過係綱紗裙, 我又覺得直身/a-line啱我多o的


 呢件上2月 expo 都有show過, 上次試婚紗都有試過, 不過又係綱紗裙, 同埋我試o個陣吊腳呀= =, 本來都幾靚既, 不過都係揀件最啱自己既好o的


 呢件現場睇好閃好靚呀, 係雅典娜式婚紗, 我係對呢種希臘女神feel既輕紗裙情有獨鐘, 不過因為model行得太快同埋前面有個人擋佐個view, 所以影唔到個裙腳, 呢條我好鐘意呀


呢條又係雅典娜式婚紗, 不過現場睇, 條裙既lace邊係純白色, 但條裙係米白色輕紗喎, 好怪, 即係好似旺中賣o個o的十蚊件衫既感覺  = = ", 所以睇衫千祈唔好信o的相出來既效果~~~


呢件晚裝竟然都係雅典娜式裙, 不過, 變成粉紅色又好似遜色佐少少....我都係鐘意白色

 呢件晚裝既配搭好怪....

 呢件其實上身好靚, 不過下身好似太多野, lydia著得好靚, 但我著就唔多襯....


 個人唔多鐘意紅色, 所以就算呢件cutting ok都唔會選了


 呢件現場睇靚o的閃o的


 呢件原本之前見過覺得佢有o的怪, 不過 lydia 著得好鬼靚


 又係現場睇靚過上鏡既裙, 現場睇好閃, 不過淺粉紅色地方既布料有少少怪~~好似唔多襯咁, 不過佢身上既珠珠鍊都幾特別幾靚。


 呢件衫好明顯係要好似bibi咁好身材先著到呢件公主衫啦


 呢件衫o的布料好靚, 高貴大方, 我又好鐘意呢條哦~~


 呢件衫係抄人地名牌婚紗既設計呀, 但抄得唔多靚, 人地original o個件好鬼靚ga~

 呢條就係我之前講好hit o個條, lydia 真係今次再著呢件出show~
真係好靚, 因為成條蛋糕裙都係lace邊加閃片, 但係就o係我隔離o個個人都同佢老公講"我會試呢件呀, 好啱心水好靚" 真係有好多人鐘意, 所以咁鬼hit, 我更加唔會揀呢條了, 死佐條心~